Artıq dəfələrlə olduğu kimi, Braziliya həftəsonunda əsas amillər hava şəraiti və təkərlər olub, amma bu dəfə onlar bir qədər qeyri-adi şəkildə təsir göstərib.
Hamı tayfundan ehtiyat edib, lakin o gecə keçib və həftəsonunun qrafikinə təsir etməyib. Buna baxmayaraq, kerblərdə qalan su səbəbindən sprintdə Piastri, Hülkenberq və Kolapinto qəzaya uğrayaraq maşınlarını zədələyiblər. Yağış asfalt üzərindəki işlənmiş rezin qatını yuyub aparıb. Onsuz da çox hamar olan asfalt daha da sürüşkən hala gəlib və bir çox komandada, o cümlədən Red Bull Racing-də təkərlər işləməyib – hər iki sürücü sıralanma turunun ilk hissəsində mübarizəni dayandırmalı olub. Start düzülüşü kifayət qədər qeyri-adi alınıb.
Həftəsonu ərzində Lando Norris dominant çıxış edib. Ötən mərhələdə şəxsi hesabda liderliyə yüksələn britaniyalı yeganə sərbəst yürüşdə ən yaxşı nəticəni göstərib, sprint kvalifikasiyasını, sprinti və əsas kvalifikasiyanı qazanıb. Onun komanda yoldaşı Piastri sprintdə qəzaya uğrayıb, kvalifikasiyada isə yalnız dördüncü olub.
Maks Ferstappen 16-cı yerdə kvalifikasiya edib, şənbə günü maşını trasda saxlamaqda çətinlik çəkib. Buna görə komanda qapalı park qaydalarını pozaraq radikal sazlama dəyişikliklərinə gedib. Onsuz da pit-leyndən start almalı olan Maksın güc qurğusu da dəyişdirilib. Okon da mühərrik dəyişdiyinə görə pit-leyndən start götürüb.
Sauber komandasında Bortoleto sprintdə 339 km/saat sürətlə və maksimum 57g yüklənmə ilə ağır qəza keçirdikdən sonra onun üçün ehtiyat şassi üzərində yeni maşın yığılıb. O, kvalifikasiyada iştirak etməyib, lakin stüardların qərarı ilə starta buraxılıb.
Startın ön cərgəsindən Norris və Antonelli, ikinci cərgədən Lekler və Piastri, üçüncü cərgədən isə Hacar və Rassell yarışa başlayıblar.
Təkər təchizatçısı komandalar üçün ötən illə müqayisədə bir pillə daha sərt tərkiblər – C2, C3 və C4 (Hard, Medium və Soft) gətirib.
Yarış günü üçün yağış proqnozu verilməsə də, səhər saatlarında arabir zəif çiskin yağıb. Fasilələrdə asfalt quruyub və nəticədə sürücülər slick təkərlərlə start alıblar.
Antonelli, Hacar, Louson, Berman, Qasli, Həmilton, Sayns və Bortoletto Soft, Alonso, Stroll, Tsunoda, Ocon və Ferstappen Hard seçiblər, digərləri isə Medium ilə start götürüblər.
Startda ilk beşlik mövqelərini qoruyub. Louson Rasselli, Qasli isə Bermanı qabaqlayıb.
Həmilton Saynsdan zərbə alıb, daha sonra Kolapinto ilə təmas yaşayıb və ön qanadı zədələndiyi üçün geriyə düşüb. İkinci insidentə görə Lyuis stüardlardan 5 saniyə cəza alıb.
Stroll Bortoletonu divara göndərib və Qabriel yarışı dayandırmalı olub. Təhlükəsizlik maşını trasa çıxıb. Həmilton boksa yönəlib.
2-ci dövrədə ilk onluq: Norris – Antonelli – Lekler – Piastri – Hadjar – Louson – Rassell – Berman – Qasli – Alonso olub.
6-cı dövrədə restart verilib. Norris liderliyini qoruyub. Piastri Antonelliyə hücum edib, maşınlar təmas edib və Kimi Leklerə toxunub.
Lekler ön təkərsiz qalıb və trasda dayanmalı olub. Piastri bu insidentə görə 10 saniyə cəza alıb. Virtual təhlükəsizlik maşını rejimi tətbiq edilib.
8-ci dövrədə Ferstappen ön sağ təkərdə deşilmə ilə boksa girərək təkərləri dəyişib.
9-cu dövrədə yarış yenidən start götürüb. Qasli səkkizinci yer uğrunda mübarizədə Elbonu qabaqlayıb, Okon isə deşilməyə görə boksa girib.
10-cu dövrədə ilk onluq: Norris – Piastri – Antonelli – Hacar – Rassell – Louson – Berman – Qasli – Elbon – Sayns olub.
Piastri Norrisə təzyiq göstərməyə çalışsa da, Lando tempi artıraraq fərqi açıb.
12-ci dövrədə Rassell dördüncü yer uğrunda Hadjarı keçib.
Tsunoda Strollu fırlatdığı insidentə görə 10 saniyə cəza alıb.
13-cü dövrədə Berman altıncı yer uğrunda Lousonu, Ferstappen isə 15-ci yer uğrunda Həmiltonu qabaqlayıb.
15-ci dövrədə Həmilton ikinci dəfə pit-stop edib.
17-ci dövrədə Ferstappen Hülkenberqi, 18-ci dövrədə isə Alonsonu keçib.
18-ci dövrədə Berman və Sayns, 19-cu dövrədə Hadjar, 20-ci dövrədə isə Louson pit-stop edib.
21-ci dövrədə Ferstappen Elbonu, Hülkenberq isə Alonsonu qabaqlayıb.
21-ci dövrədə ilk onluq: Norris – Piastri – Antonelli – Rassell – Ferstappen – Elbon – Hülkenberq – Alonso – Tsunoda – Kolapinto olub.
22-ci dövrədə Antonelli pit-stop edib.
23-cü dövrədə Antonelli Strollu, Louson və Sayns isə Oconu keçib.
25-ci dövrədə Tsunoda pit-stop zamanı cəzanı düzgün çəkmədiyi üçün əlavə 10 saniyə cəza alıb.
29-cu dövrədə Alonso, 30-cu dövrədə Kolapinto və Stroll, 31-ci dövrədə isə lider Norris pit-stop edib və trasa Ferstappenin arxasında dördüncü qayıdıb.
33-cü dövrədə Norris start düzlüyündə Ferstappeni keçib. Həmilton təkərləri dəyişərək 5 saniyəlik cəzasını çəkib.
34-cü dövrədə Hülkenberq altıncı yer uğrunda Elbonu keçib.
35-ci dövrədə Rassell və Ferstappen, 36-cı dövrədə Elbon, 37-ci dövrədə isə Hülkenberq pit-stop edib.
37-ci dövrədə Rassell dördüncü yer uğrunda Bermanı qabaqlayıb.
38-ci dövrədə Hacar pit-stop edib. Həmiltona bildirilib ki, startdakı insidentin nəticələrinə görə boksa qayıdaraq yarışı dayandırmalıdır.
39-cu dövrədə Piastri cəzasını çəkərək təkərləri dəyişib. Sayns da pit-stop edib. 40-cı dövrədə Qasli pit-stop edib.
40-cı dövrədə ilk onluq: Norris – Antonelli – Rassell – Berman – Ferstappen – Louson – Piastri – Okon – Alonso – Hülkenberq olub.
41-ci dövrədə Piastri altıncı yer uğrunda Lousonu keçib.
42-ci dövrədə Berman pit-stop zamanı ön sol təkərin bərkidilməsində problem yaşayıb.
45-ci dövrədə Berman onuncu yer uğrunda Alonsonu qabaqlayıb.
47-ci dövrədə Alonso, 48-ci dövrədə Antonelli, Okon və Tsunoda, 49-cu dövrədə isə Rassell pit-stop edib.
49-cu dövrədə Berman yeddinci yer uğrunda Hülkenberqi keçib.
50-ci dövrədə Antonelli Lousonu qabaqlayıb.
51-ci dövrədə Norris pit-stop edib. Rassell beşinci yer uğrunda Lousonu keçib.
52-ci dövrədə Piastri, 54-cü dövrədə Ferstappen pit-stop edib.
55-ci dövrədə Piastri beşinci yer uğrunda Lousonu keçib.
56-cı dövrədə Elbon pit-stop edib.
60-cı dövrədə ilk onluq: Norris – Antonelli – Rassell – Ferstappen – Piastri – Berman – Louson – Hülkenberq – Hadjar – Qasli olub.
63-cü dövrədə Ferstappen üçüncü yer uğrunda Rasselli keçib.
67-ci dövrədə Ocon və Elbon Saynsı qabaqlayıb.
Son dövrələrdə Ferstappen ikinci yer uğrunda Antonelliyə, Piastri isə dördüncü yer uğrunda Rassellə təzyiq göstərsə də, hər iki Mercedes sürücüsü mövqeyini qoruyub.
70-ci dövrədə Hacar Hülkenberqi, Elbon isə Oconu keçib. 71-ci dövrədə Hadjar Lousona hücum edib, təmas yaşansa da, hər iki sürücü yarışı davam etdirib və stüardlaronlara cəza verməyiblər.
Lando Norris San-Paulu Qran Prisini qazanaraq mövsümdə yeddinci, karyerasında isə 11-ci qələbəsini əldə edib və şəxsi çempionatdakı üstünlüyünü artırıb.
Kimi Antonelli ikinci yeri tutaraq karyerasının ən yaxşı nəticəsinə imza atıb.
Pit-leyndən start alan Maks Ferstappen üçüncü yerə yüksələrək titul uğrunda şanslarını qoruyub.
Ferrari xalsız qaldığına və Mercedes-in uğurlu çıxışına görə Mühəndislər Kubokunda dördüncü yerə geriləyib.
İki həftədən sonra mübarizə Las-Veqasda davam edəcək.
Şərh əlavə et