Toto Volff danışıb: “Biz Maksla bir-birimizi çox yaxşı başa düşürük. Eyni dalğada olanda ünsiyyət asan olur və mən bunu bizim münasibətlərimizdə görürəm. Onun yarışlara və həyata baxışı mənimlə oxşardır.
Belə ola bilərmi ki, peşəkar yollarımız uğursuz uyğunluq üzündən heç vaxt kəsişməsin? Bəli, bu mümkündür, amma ehtimalı 50%-dir. Qalan 50% isə deyir ki, karyeranın müəyyən mərhələsində biz birlikdə yarışacağıq. Və bu fikir hər iki tərəf üçün keçərlidir”.
Totodan soruşublar ki, əgər gələn il Mercedes ən yaxşı maşına sahib olsa, Maksı komandaya çəkmək daha asan olacaqmı? O cavab verib: “Ümid edirəm ki, ən yaxşı maşın həqiqətən bizdə olacaq. Və bu halda mən Maksın meneceri Raymond Vermeulenə sadəcə 10% ödəməli olacağam! Biz onunla belə razılaşmışıq.
Düşünürəm ki, ən yaxşı pilotlar üçün pul əsas məqsəd deyil. Onların başlıca məqsədi elə bir komanda və elə bir maşın əldə etməkdir ki, onun sükanı arxasında titul qazana bilsinlər. Bundan sonra isə pul barədə mübahisələr başlayır.
Mən həmişə hesab etmişəm ki, pilotlara ədalətli ödəniş olunmalıdır – bu nə deməkdirsə və onun meyarı necə olursa-olsun. Ən yaxşı həll yolunu həmişə tapacağıq – əgər ulduzlarımız üst-üstə düşərsə. Ən yaxşı komanda, ən yaxşı pilotlar – onlar həmişə bir-birini tapır.”
Şərh əlavə et