Kokpit.az xatırladır ki, 2017–2021-ci illər arasında Mercedes ilə 10 qələbə qazanan və 67 dəfə podiuma çıxan Bottas, 2024 mövsümünün sonunda Sauber-dən ayrılaraq Mercedes-ə ehtiyat pilot kimi qayıtmışdı. İndi isə o, Cadillac ilə yeni layihəyə qoşulur.
Valtteri Bottas: “Cadillac ilə danışıqlara başladığım andan etibarən fərqli bir enerji hiss etdim. Bu yalnız bir yarış layihəsi deyil, uzunmüddətli layihədir. Sıfırdan qurulan bir şeyin parçası olmaq böyük fürsətdir. Daha əvvəl ən yaxşı komandalarla işləmişəm və burada da eyni peşəkarlığı və aclığı görürəm. Cadillac-ın F1 səhnəsinə girişində rol almaq mənim üçün çox xüsusidir”.
Komandanın digər sürücüsü Sergio Peres isə Red Bull-dan ayrıldıqdan sonra azad pilot idi. 14 mövsüm və 281 yarışdan ibarət Formula 1 karyerasında 6 qələbə və 39 podium qazanan meksikalı sürücü, yeni layihəyə böyük ümidlərlə qoşulur.
Serxio Peres: “Cadillac ilə yeni bir dövrə başlamaq mənim üçün çox həyəcanvericidir. İlk danışıqlardan etibarən bu layihəyə duyulan ehtirası və qətiyyəti hiss etdim. Komanda ilə birlikdə inkişaf edib ön sıralara doğru irəliləmək böyük məsuliyyətdir, amma buna hazıram. Cadillac-ın avtoidmandakı zəngin tarixini Formula 1-ə daşımaq və Amerika qitəsini təmsil edən komanda yaratmaq böyük qürurdur”.
Xatırladaq ki, Cadillac 2026-cı mövsümündən etibarən Formula 1-in 11-ci komandası kimi peletonda yer alacaq. Komanda təcrübəli sürücüləri ilə ilk ildə uyğunlaşma prosesini sürətləndirməyi hədəfləyir.
Şərh əlavə et