Silverstoundakı yarışdan sonra Mühəndislər Kubokundakı ikincilik mövqeyini möhkəmlədən Ferrari, mövsümün qalan hissəsində performansını artırmaq məqsədilə bu texniki yeniliyə əl atıb.
Test zamanı diqqətçəkən məqamlardan biri isə Lyuis Həmiltonun bu testdə iştirak etməməsidir. İtaliya mətbuatının məlumatına görə Mucello trasında sükan arxasına Şarl Lekler və ehtiyat pilot Antonio Covinatsi keçəcək.
Bu isə o deməkdir ki, Həmilton yeni arxa asılqan sistemini birbaşa trasda yoxlaya bilməyəcək.
Yeni sistemin xüsusilə əyləcləmə və dönmə anlarında maşının balansını yaxşılaşdırması, həmçinin daha sərt asılqan sazlanmaları ilə işləyə bilməsi gözlənilir.
Ferrari-nin tətbiq etdiyi texniki yenilik konsept baxımından Mercedes-in İmolada istifadə etdiyi versiyaya bənzəsə də, struktur baxımından daha yumşaq dəyişikliklərə əsaslanır.
Yeni arxa asılqanın karbon ötürmələr qutusuna zərər vermədən daha yüksək yüklərə dözə biləcək şəkildə dizayn edildiyi bildirilir.
Testin keçiriləcəyi Mucello trası fərqli tipli döngələri ilə mühəndislərə geniş analiz imkanı verir. Ferrari mühəndisləri bu testdən əldə olunacaq nəticələrin təkcə bu mövsüm üçün deyil, həm də 2026-cı ildə istifadəyə veriləcək 678 kod adlı bolid üçün dəyərli məlumatlar verəcəyini düşünür.
Komandaya məlumatına görə, Avstriyada təqdim olunan yeni altlıq ilə birlikdə bu yeni arxa asılqan kombinasiyası, təqribən dövrəyə 0.1 saniyə vaxt qazanmağa kömək edə bilər.
Bu yeniliyin Spa-Frankorçampsda aparılacaq dəyərləndirmələr zamanı yalnız sürət baxımından yox, təkər istifadəsinin optimallaşdırılması baxımından da nə dərəcədə faydalı olub-olmadığı dəqiqləşəcək.
Şərh əlavə et