Kokpit.az bildirir ki, almaniyalı sürücü altlığın çox yeyilməsinə görə yarışdan xaric olunub.
FİA-nın Formula 1 üzrə Texniki Nümayəndəsi Co Bauer hazırladığı raportda bildirib ki, Niko Hülkenberqin maşınının arxa tərəfindəki altlıq qalınlığı texniki qaydalarda yazılandan nazik olub. Qaydalara görə altlığın qalınlığı 3 fərqli ölçüm nöqtəsində ən az 9 milllimetr olmalıdır.
Stüardlar bu barədə belə açıqlama veriblər: “27 nömrəli maşının altlığı ölçüldü və sol tərəf 8.4 millimetr, orta tərəf 8.5 millimetr, sağ tərəf isə 8.4 millimetr olaraq müəyyən olunub. Bu isə texni qaydalara görə müəyyən olunmuş 9 millimetrdən nazikdir.
Stüardlar bu qayda pozuntusuna görə standart cəza tətbiq edərək sürücünü diskvalifikasiya etməyə qərar veriblər”.
Qeyd edək ki, Niko Hülkenberq 57 dövrəlik Bəhreyn yarışını 13-cü yerdə bitirmişdi.
Şərh əlavə et