Kokpit.az xatırladır ki, yeni reqlamentə görə hər sürücü mövsümdə iki dəfə sərbəst yürüşlərdə yerini gənc sürücülərə verməlidir. Bu qaydaya görə Red Bull komandasında birinci sərbəst yürüşlərdə Maks Ferstappenin yerini Ayumu İvasa alacaq.
Qeyd edək ki, yaponiyalı sürücü daha əvvəl 2024-cü ilin Yaponiya və Əbu Dabi Qran Prilərində Racing Bulls ilə birinci sərbəst yürüşlərə çıxmışdı.
Bununla da gənc sürücü Bəhreyndə ilk dəfə Red Bull bolidinin sükanı arxasına keçəcək. Dördqat Dünya Çempionu Maks Ferstappen ikinci sərbəst yürüşlərdə yenidən kokpitə qayıdacaq.
Bununla da Bəhreyndə 6 debütant sürücü əsas sürücüləri əvəzləyəcək. Daha əvvəl Mercedes, Ferrari, Red Bull, Haas, Aston Martin və Williams komandaları Bəhreyndəki birinci sərbəst yürüşlərə gənc sürücülərlə çıxacaqlarını demişdilər.
Komandaların bunun üçün Bəhreyni seçmələrinin əsas səbəbi Saxirdə yarışla birinci sərbəst yürüşlər arasındakı şərait fərqidir. Birinci sərbəst yürüşlərdə gündüz olur və hava da isti olur. Yarış isə gecə və nisbətən sərin havada keçirilir.
Qeyd edək ki, Bəhreyndəki birinci sərbəst yürüşlərdə Fernando Alonsonu Felipe Druqoviç, Şarl Lekleri Dino Beqanoviç, Corc Rasselli Frederik Vesti, Karlos Saynsı Lyuk Brouninq, Oliver Bermanı isə Rio Hirakava əvəz edəcək.
Şərh əlavə et