Kokpit.az xatırladır ki, avstraliyalı sürücü bu il Formula 1-də ikinci mövsümünü keçirsə də, komanda yoldaşı Lando Norrisə elə toy tutub ki, sonda McLaren komandası bildirib ki, onlar Sürücülər Çempionatında britaniyalı pilotu dəstəkləyəcəklər.
Ancaq Formula 1-in sabiq rəhbəri düşünür ki, McLaren Piastrini gözardı etməməlidir: “O sehirli adamdır. Qətiliklə deyirəm ki, gələcəkdə Dünya Çempionu olacaq. Məncə, elə növbəti iki il ərzində bu baş verəcək. Maşın belə performans göstərməyə davaç etsə, bu reallaşacaq”.
McLaren artıq ən güclü komandadır. Belə olan halda Lando Norris hər yarış yavaş-yavaş Maks Ferstappenə yaxınlaşır. İki sürücü arasındakı xal fərqi artıq 52-yə düşüb.
Ancaq Berni Ekklstoun yerlisi Lando Norrisin Maks Ferstappeni keçəcəyinə inanmır: “Ferstappen onsuz da liderdir və hazırda bir az bəxtə ehtiyacı var. Amma ümumilikdə düşünürəm ki, Maks çempion olacaq”.
Qeyd edək ki, Oskar Piastri bu mövsüm iki qələbə – Macarıstan və Azərbaycan – qazanıb və hazırda turnir cədvəlində 237 xalla dördüncü yerdədir.
Şərh əlavə et