Həftəsonu ərzində trasda addım-addım irəliləmək strategiyasının bəhrəsini podyumla aldığını vurğulayan gənc pilot yarışdan sonrakı hisslərini belə ifadə edib.
Ayzek Hacar: “Doğrudan da çox uzun vaxt keçdi. Amma düşünürəm ki, geri qayıtmaq üçün ən doğru vaxt bu həftəsonu idi.
Özümü kifayət qədər güclü hiss etdim və həftəsonu ərzində addımlarımı çox ehtiyatla atdım. Bakı çox sürətli şəkildə divarda qala biləcəyiniz trasdır və özünəinam qazanmağa çalışdığım vaxt belə bir qəza ilə üzləşməyə heç ehtiyacım yox idi.
Həftəsonu boyunca çox yavaş və tədricən irəlilədim. Bu yanaşmam məni podyuma çıxardı. Həqiqətən çox xoşbəxtəm”.
Yaşadığı zədədən sonra biləyində hələ də yüngül keylik hiss etdiyini, lakin bunun performansına təsir göstərmədiyini deyən Hacar qarşıdakı sıx yarış təqvimi öncəsi fiziki vəziyyətini də dəyərləndirib.
Mövsümün qalan hissəsini səbirsizliklə gözlədiyini bildirən Red Bull pilotu qarşıdakı yarışlarla bağlı belə danışıb: “Biləyimdə yüngül keylik hiss etsəm də, vəziyyətimdən razıyam və özümü yaxşı hiss edirəm.
Yenidən yarışa bildiyim üçün çox həyəcanlıyam. Qarşıda bizi kifayət qədər sıx və gərgin yarış təqvimi gözləyir. Növbəti dayanacaq Sepanqda trasa çıxacağım günü səbirsizliklə gözləyirəm”.
Şərh əlavə et