Kokpit.az xatırladır ki, britaniyalı sürücü Bakı Şəhər Halqasındakı sıralanma turunda beşinci yeri tutub.
Lando Norris: “Düzünü desəm, hər şey pis getmirdi. Oskar üçüncü nəticəni göstərdi, mən isə ikinci yerin mümkün olduğunu düşünürdüm. Açığı, boliddə özümü rahat hiss edirdim və sadəcə əyləcləmə zamanı həddindən artıq risk etdim.
Poul uğrunda risk etməyi üçüncü, dördüncü, beşinci, altıncı və ya başqa hər hansı bir nəticə ilə kifayətlənməkdən üstün tutdum. Mükəmməl dövrə toplamaq istəyirdim, sadəcə orta səviyyəli bir dövrə yox. Ancaq bunun cəzasını çəkdim.
Bu həftəsonu düzlüklərdə, xüsusilə də mənim bolidimdə rəqiblərimizə ciddi şəkildə uduzuruq. Bu, ciddi məhdudiyyətdir, çünki bu trasda çoxlu düz hissələr var. Vəziyyət üzücüdür, lakin bununla bağlı edə biləcəyimiz çox şey yoxdur.
Əlbəttə, yarışda podiuma yüksəlməyə ümid edirəm. Lakin düzlüklərdə bu sürətlə bunu etmək mümkün olmayacaq”.
Şərh əlavə et