Azərbaycan Qran Prisinin sıralanma turlarından sonra jurnalistlərin suallarını cavablandıran fransız rəhbər həftəsonunun gedişatını və yarışla bağlı gözləntilərini dəyərləndirib.
İlk məşq sessiyalarında ciddi problemlərlə üzləşmələrinə baxmayaraq, Şarl Leklerlə ön cərgədə yer almağı bacardıqlarını deyən Vassyör nəticədən məmnun qaldığını bildirib. Bununla belə, Mercedes-in nümayiş etdirdiyi tempi gözardı etməyin mümkün olmadığını vurğulayıb.
Frederik Vassyör jurnalistlərə açıqlamasında deyib: “Çıxarmalı olduğumuz ilk müsbət nəticə bəlkə də mövsümün ən çətin cümə gününü geridə qoymağımızdır.
İlk iki məşq seansımız həqiqətən çox çətin keçdi. Lakin dünən axşamdan etibarən komanda olaraq əla iş gördük və temp baxımından yenidən mübarizəyə qoşulduq. Bu vəziyyətdən son dərəcə razıyam.
Rassell sözün əsl mənasında uçur. Birinci məşq sessiyasındakı ilk dövrəsindən etibarən daim zirvədə olub.
Bu gün tamamilə öz yarışımıza fokuslanmalıyıq. Məşq sessiyalarında tempimiz pis deyildi, ancaq bizi çətin yarışın gözlədiyini deyə bilərəm.
Əgər Rassell sıralanma turlarındakı tempini yarışda da nümayiş etdirsə, ona çatmaq həqiqətən çətin olacaq.
Maks Ferstappen sıralanma turlarında problemlə üzləşdi, lakin onun da kifayət qədər güclü tempi var idi.
McLaren, Red Bull və Ferrari arasında dövrə vaxtları son dərəcə yaxındır. Dediyim kimi, Rassell hazırda uçur, amma sabah nələrin baş verəcəyini heç vaxt bilmərik”.
Şərh əlavə et