Kokpit.az xatırladır ki, fransalı sürücü Azərbaycan Qran Prisinin sıralanma turunda yeddinci nəticə göstərib.
Pyer Qasli: “Sıralanma turunun nəticələrindən çox razıyam. Komanda həftəsonu ərzində əla iş görüb və bolidi elə sazlayıb ki, özümü rahat hiss edirəm və bütün dövrə boyunca hücum edə bilirəm. Düşünürəm ki, balans və özünəinam baxımından Bakıda uzun müddətdir boliddən aldığım ən yaxşı hisslər bunlardır.
İlk və ikinci sessiyalar yaxşı keçdi, hər dövrədə sürətimizi bir qədər artırdıq. Final sessiyası isə bir qədər xaotik alındı. Sarı bayraqlar sürətli dövrələrimə mane oldu. Lakin bu, Bakı trası üçün xarakterik haldır və belə bir vəziyyət gözlənilən idi.
Startı böyük inamla gözləyirəm. Start düzümündə yaxşı mövqeyim var. Bugünkü yarışda bu üstünlükdən maksimum istifadə etməyə və xal qazanmağa çalışacağam”.
Şərh əlavə et