Məşq seanslarında yaşadıqları temp çatışmazlığını sıralanma turlarında aradan qaldırdıqlarını bildirən avstraliyalı pilot üçüncü yeri və komandanın son seansdakı performansını belə dəyərləndirib.
Oskar Piastri: “Seans ümumilikdə yaxşı keçdi. Sıralanma turlarında ehtiyacımız olan tempi tapa bildik.
Bu, bu il ilk dəfə başımıza gəlmir. Məşq seanslarında bir qədər geridə qalmış kimi görünsək də, sıralanma turlarına gəldikdə həmin performansı hansısa şəkildə ortaya çıxara bilirik.
Q3-dəki ilk dövrələrdən sonra ilk iki yerdə özümüzü görəndə kifayət qədər təəccüblənmişdim. Amma təəssüf ki, Corcu yaxalamaq şansımız yox idi”.
Azərbaycanın çətin küçə trasında yenidən ön sıralara qayıtmağın əhəmiyyətinə toxunan Piastri bazar günü keçiriləcək yarış öncəsi qazandıqları müsbət impulsdan məmnun olduğunu bildirib: “Həftəsonunun indiyə qədərki gedişatından kifayət qədər razıyam.
Yenidən ilk üçlükdə yer almaq və yarışa ön qrupdan başlamaq çox sevindiricidir”.
Şərh əlavə et