Sıralanma turlarının son seansında təmiz dövrə vurduğunu bildirən Lekler qarşısındakı bolidin hava koridorundan faydalanmasına baxmayaraq Mercedes-in əldə etdiyi dövrə vaxtına çata bilmədiklərini vurğulayıb. Həftəsonu ərzində komandanın çətinlik çəkdiyini qeyd edən Monakolu pilot hisslərini belə ifadə edib.
Şarl Lekler: “Düzünü desəm, kifayət qədər yaxşı dövrə vurdum.
Düşünürəm ki, Lyuis məndən üç-dörd saniyə öndə idi. Seansın sonunda yaxşı nəticə əldə etməyi bacardım. Amma Corcla aramızdakı zaman fərqini görəndə düşündüm ki, bəlkə də vurduğum dövrə kifayət qədər yaxşı olmayıb.
Ümumilikdə bütün həftəsonu ərzində geridən gəlməli olduq. Çətin keçən cümə axşamından sonra daha geridə qalacağımızı gözləyirdik. Lakin bu səhər bir qədər daha ümidlənmişdim.
Sıralanma baxımından gözlədiyimiz yerdəyik. Amma Rassell ilə aramızdakı fərq gözlədiyimizdən çoxdur.
Sabah nələrin baş verəcəyini birlikdə görəcəyik. Hazırda düzlüklərdəki sürətimiz ən güclü tərəfimiz kimi görünmür. Amma birinci məşq seansında yüksək yanacaq yükü ilə vurduğumuz dövrələrdə tempimiz kifayət qədər güclü idi. Ümid edirəm ki, sabahkı yarışda da eyni performansı davam etdirə biləcəyik”.
Şərh əlavə et