Kokpit.az xatırladır ki, britaniyalı sürücü Bakıda keçirilən cümə sərbəst yürüşlərini beşinci pillədə bitirib.
Lakin yeddiqat Dünya Çempionu heç də təmiz gün keçirməyib. Belə ki, o sürətli dövrədə olan Liam Lousonu ləngitdiyi üçün xəbərdarlıq alıb.
Lyuis Həmilton: “Bu trasda bolid idarə etmək həmişə möhtəşəmdir və bizim üçün məhsuldar gün oldu. İlk məşq sessiyası ümidverici idi. Çoxlu dövrə qət etdik və əsas sazlamalarla bağlı faydalı məlumatlar topladıq.
Daha ətraflı təhlil tələb edən bir neçə məqam var. Lakin kifayət qədər böyük həcmdə məlumat toplamışıq və gün ərzində daha da irəliləməyin yollarını axtarmağa sərf edəcəyik.
Bu trasda təkərlərin dövrəyə düzgün hazırlanması onları sabit iş temperaturu diapazonuna çıxarmaq baxımından mühüm amil olaraq qalır. Bu, həm ilişmə səviyyəsinə, həm də ümumilikdə bolidin balansına ciddi təsir göstərir. Buna görə də bugünkü günə hazırlıq zamanı əsas diqqət yetirəcəyimiz məsələlərdən biri məhz bu olacaq”.
Şərh əlavə et