Kokpit.az xatırladır ki, niderlandlı sürücü Bakı Şəhər Halqasındakı ilk günü üçüncü yerdə bağlayıb. O, lider Corc Rasselldən 0.8 saniyə geridə qalıb. Daha əvvəl iki dəfə bu trasda qalib gəlmiş dördqat Dünya Çempionu ikinci sərbəst yürüşlərdən sonra fikirlərini bölüşüb.
Maks Ferstappen: “Gün pis keçmədi, boliddən razıyam. Bəzi məqamları dəqiqləşdirdik və daha yüksək effektivliyə nail olmağa çalışdıq. Həftəsonuna yaxşı başlanğıcdır.
Görünür, bu trasda liderlər qrupundayıq və podium uğrunda mübarizə apara bilərik. Amma sürətimizi bir qədər də artırmalıyıq. Yeniliklər yaxşı işləyir və bu, nikbin olmağa əsas verir. Sabah hər şeyin necə inkişaf edəcəyinə baxacağıq”.
Şərh əlavə et