Formula 1 mövsümünün kritik mərhələsinə qədəm qoyulduğu bir vaxtda Mercedes Azərbaycan Qran-prisinə komanda rəhbəri Toto Volffsuz çıxmağa hazırlaşır. GPblog-un məlumatına görə, avstriyalı rəhbər Bakıya səfər etməyəcək və həftəsonunu uzaqdan izləyəcək.
Mövsüm ərzindəki sıx təqvim səbəbindən Volffun bəzi yarışları buraxması ilk dəfə deyil. Təcrübəli komanda rəhbəri mövsümün əvvəlində keçirilən Yaponiya Qran Prisində də qarajda olmayıb. Bakıda onun yerini Bredli Lord tutacaq.
Bakı yarışı mövsümün finalına doğru uzanan üçlü yarış seriyasının ilk mərhələsidir. Həftəsonu öncəsi komandasına xəbərdarlıq edən Volff xüsusilə mövsümün son hissəsində etibarlılığın, yaxşı hazırlığın və səhvsiz əməliyyat idarəçiliyinin həlledici olacağını vurğulamışdı.
Şərh əlavə et