Yeni Zelandiyalı pilot komandaya kömək etməyə ümid edir.
Liam Louson: “Yenidən Racing Bulls-un sükanı arxasına keçəcəyim üçün şadam. Son həftələr olduqca gərgin keçdi. Red Bull Racing üçün çıxış edirdim, amma indi tanış ritmə qayıtmaq və qarşıdakı həftəsonuna fokuslanmaq fürsətini səbirsizliklə gözləyirəm.
Ayzekin zədədən sonra bərpa olunmasına çox şadam. Onun traslara qayıtmaq üçün nə qədər səbirsizləndiyini bilirəm. Ümid edirəm, ikimiz də bu həftəsonunu uğurlu keçirəcəyik.
Bakı yarışı həmişə möhtəşəm keçir. Bizi uzun düzlükləri və İçərişəhərdəki texniki döngələri ilə unikal tras gözləyir. Burada inam və dəqiqlik vacibdir. Sürətli və yavaş döngələrin birləşməsi yarışı həqiqətən maraqlı edir.
Mövsümün qalan hissəsi üçün mühüm məqsədimiz var. Komandanın Konstruktorlar Kubokunda beşinci yeri tutması üçün ən əlverişli şəraiti yaratmaq məqsədilə hamı gərgin işləyir. Mübarizəmizi davam etdiririk və ümid edirəm ki, Bakıda çoxlu xal qazanacağıq”.
Şərh əlavə et