41 yaşlı pilot Formula 1 mövsümünün ilk yarısında Ferrari-nin liderliyini üzərinə götürüb və dirçələn yeddiqat Dünya Çempionu yay fasiləsinə ikinci pillədə yollanıb.
Britaniyalı pilotun yenidən yüksəlişə keçməsi onu Mercedes cütlüyü Kimi Antonelli və Corc Rassellin arasına gətirib. Antonellidən iki Qran Pri qələbəsinə bərabər xal qədər geridə olsa da, Həmilton 2021-ci il mövsümünün uğursuz sonluğundan sonra ilk dəfə real çempionluq mübarizəsinin mərkəzində yer alıb.
Ən vacib məqam isə 41 yaşlı pilotun mövsümün ilk 11 mərhələsində komanda yoldaşı Şarl Lekleri 31 xal qabaqlamasıdır. Mövsümün həlledici mərhələsi yaxınlaşdıqca Ferrari özünə çətin suallar verməli ola bilər.
Məsələn, İtaliya komandası 2007-ci ildən bəri ilk dəfə Pilotlar Çempionluğunu qazanmaq şansını artırmaq üçün komanda əmrlərindən istifadə etməyi nəzərdən keçirməlidirmi?
Həmilton isə öz növbəsində tarix yazmağa çalışır. Britaniyalı pilot Formula 1 rekordlarını yenidən yazaraq uzun illərdir əlçatmaz görünən səkkizinci dünya çempionluğunu nəhayət qazanmaq istəyir.
Şərh əlavə et