Budkovski Cadillac-da ilk addımlarından danışıb

Budkovski Cadillac-da ilk addımlarından danışıb
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Cadillac komandasının rəhbəri vəzifəsində Qrem Loudonu əvəzləyən Martsin Budkovski bu postda atmağı planlaşdırdığı ilk addımlardan bəhs edib.

Marçin Budkovski: “İlk vaxtlarda mənim əsas vəzifəm dinləmək və müşahidə etmək olacaq. Bazadakı insanlarla tanış olmalı, onların necə işlədiyini, bir-biri ilə necə qarşılıqlı əlaqə qurduğunu, müxtəlif əməkdaşların və şöbələrin bir-biri ilə necə əməkdaşlıq etdiyini anlamalıyam.

Formula 1-də çalışdığım illər ərzində başa düşmüşəm ki, Cadillac-ın mövsümün birinci yarısında üzləşdiyi etibarlılıq problemləri trasdakı komanda ilə baza arasında əlaqənin itirilməsi baxımından ciddi risk yarada bilər, halbuki bu əlaqə hər bir Formula 1 komandasında çox möhkəm olmalıdır.

Məhz buna görə ilk iş həftəmi baza ilə Zandfortdakı tras arasında böləcəyəm. Komandanın hər iki tərəfini görmək və onların bir-biri ilə necə qarşılıqlı əlaqə qurduğunu anlamaq istəyirəm. Qısamüddətli perspektivdə əsas prioritet bu olacaq – dinləmək, müşahidə etmək və iki bölmənin vahid komanda kimi işlədiyinə əmin olmaq.

Təqvimdə 24 mərhələ olanda bazadakı əməkdaşlarla trasda işləyənlər bir-birini o qədər də tez-tez görmürlər və bu, çox vaxt problemə çevrilir. Formula 1 təqvimində 16 yarış olanda və komandalar xeyli kiçik olanda əməkdaşlar bazada birlikdə daha çox vaxt keçirirdilər. İndi hər şey fərqlidir, amma onlar arasında əlaqə əvvəlki kimi çox vacibdir, xüsusən də komandanın inkişafının bu mərhələsində.

Bu il qalan yarışlarda, onların sayı isə hələ az deyil, təşkilatı, iş proseslərini, əlimizdə olan alətləri və çatışmayanları ətraflı öyrənməliyik. Düşünürəm ki, General Motors bu baxımdan təklif edə biləcəyi imkanlara malikdir, çünki onlarda böyük texniki bilik bazası toplanıb və hələ tam gücü ilə istifadə olunmayan çoxlu alətlər var. Eyni zamanda başa düşmək lazımdır ki, cəmi bir neçə ay əvvəl komanda faktiki olaraq sıfırdan yaradılıb.

ABŞ-da çoxlu texniki mütəxəssis var. Axı amerikalılar kosmik aparatları Marsa göndərirlər. Düşünürəm ki, Atlantikanın o biri tərəfində malik olduğumuz imkanlardan daha fəal istifadə edə bilərik. Amma bu, dərhal baş verməyəcək, buna görə vaxt lazım olacaq. Bununla belə, ABŞ-da malik olduğumuz istedadlara və texniki ekspertizaya diqqət yetirməmək də ağılsızlıq olardı.”

Bunları da oxuyun

Şərh əlavə et