Yaşıl bayraqların dalğalanması ilə Assendə həftəsonunun son sərbəst yürüşü başlayıb. 30 dəqiqəlik sessiyada sürücülər sıralanma mərhələsinə hazırlıq üçün vaxt itirmədən trasa çıxıblar.
Sessiyanın əvvəlində Raul Fernandes motosikletində yaranan mexaniki problem səbəbindən 9-cu döngədə dayanmalı olub və qaraja qayıdıb. İlk 10 dəqiqə geridə qalarkən Marko Bezzekki 1:31.844 nəticə ilə liderliyə yüksəlib. Pedro Akosta isə texniki problem səbəbindən pitə qayıdıb.
Sessiyanın əvvəlində nasazlıq yaşayan Raul Fernandes daha sonra yenidən trasa çıxıb. Qalan vaxt ərzində heç kim Bezzekkinin nəticəsini üstələyə bilməyib. Aprilia komandasının sürücüsü daha sonra dövrə vaxtını 1:31.611-ə qədər yaxşılaşdırıb. Cek Miller isə 9-cu döngədə qəzaya uğrasa da, ciddi problem yaşamadan ayağa qalxıb.
Beləliklə, Marko Bezzekki sessiyanı lider başa vurub. Raul Fernandes ikinci, Ai Oqura isə üçüncü yeri tutub.
Fabio Di Ciannantonio dördüncü, Mark Markes isə beşinci olub.
Şərh əlavə et