Kokpit.az xatırladır ki, britaniyalı sürücü Avstriyada cümə gününü üçüncü yerdə bitirib. O, zirvədəki Kimi Antonellidən 0.3 saniyə geridə qalıb.
Lando Norris: “Birinci məşq sessiyasında problemlə üzləşdik və bu, bizi əlverişsiz vəziyyətə saldı. Lakin problem aradan qaldırıldıqdan sonra tempimizi artırmağa başladıq. Sürət baxımından vəziyyət ümumilikdə normaldır və liderlərə bir qədər də yaxınlaşa bildik.
Əvvəlki illərdə də gördüyümüz kimi, bu tras bizə uyğundur və hazırda da buna əsaslanırıq. Buna görə əsas məqsədimiz bolidin sükanı arxasında özümüzü daha inamlı hiss etməkdir. Əgər buna nail olsaq, düşünürəm ki, daha bir addım irəli ata bilərik.
Görüləsi işlər hələ çoxdur, ancaq ümidverici əlamətlər görürük və bugünkü sıralanma turu ərəfəsində daha yüksək səviyyəyə yüksəlmək üçün əlimizdən gələni etməyə davam edəcəyik”.
Şərh əlavə et