Yüksək istilik səbəbindən təkərlərin termal aşınması artdığı üçün bütün pilotlar iki və ya üç pit-stop strategiyasına üstünlük veriblər.
Pirelli Motorsport-un direktoru Dario Marrafuski bildirib: “Bu gün komandalar mövcud olan hər üç təkər tərkibindən istifadə etdilər. Gözlədiyimiz kimi, yüksək termal deqradasiya səbəbindən bir pit-stoplu strategiya effektiv olmadı və hamı iki və ya üç pit-stoplu taktikanı seçdi. Hard və Medium təkərlərlə iki pit-stop strategiyasının səmərəliliyi əsasən cümə günündən qalan təkər dəstlərindən asılı idi. Ən uğurlu yanaşma son hissələrdə Hard təkərlərdən istifadə etmək oldu və podiuma yüksələn hər üç pilot da məhz bu strategiyanı seçdi. Ferrari növbəti dəfə fərqli taktika sınadı. Komanda üç pit-stop edərək Soft təkərlərdən istifadə etdi və bu seçim onlara yüksək temp nümayiş etdirməyə imkan verdi.
Ferrari pilotları və Qasli ilk pit-stoplarını undercut üstünlüyü əldə etmək üçün bir qədər erkən etdilər. Digər komandalar isə gözlədiyimiz ssenari üzrə hərəkət etdilər. Hətta Saynsın bolidinin dayanması səbəbindən tətbiq olunan Virtual Təhlükəsizlik Maşını rejimi də strategiyalara ciddi təsir göstərmədi. Asfalt temperaturunun çox yüksək olmasına baxmayaraq, təkərlərdə nə dənlənmə (graining), nə də qabarcıqlanma (blistering) müşahidə olunmaması Pirelli mühəndislərinin gördüyü işin yüksək səviyyədə olduğunu göstərir”.
Şərh əlavə et