Kokpit.az xatırladır ki, niderlandlı sürücü yarışa beşinci yerdən başlasa da, möhtəşəm performans göstərərək, finişə ikinci yerdə çatıb və çox vacib 18 xal qazanıb.
Maks Ferstappen: “Bizim üçün həqiqətən də çox yaxşı yarış alındı. İlk bir neçə dövrə kifayət qədər maraqlı keçdi, daha sonra isə əsas diqqət təkərlərin vəziyyətinə nəzarət etməyə yönəldi.
Yarışın təxminən yarısına qədər bolid optimal işləyirdi. Daha sonra isə müəyyən problemlər yarandı və bu, istədiyim tempi qorumağa mane oldu. Buna baxmayaraq, qalibdən çox da geri qalmadan ikinci yeri tutdum. Düşünürəm ki, bu bizim üçün çox müsbət nəticədir və bu baxımdan çox razıyam.
Dünənki qəzada dizlərimi möhkəm vurmuşdum. Sümüyünü bərk bir yerə vuranda hisslər heç də xoş olmur. Lakin bu gün hər şey qaydasında idi və ən vacibi də budur”.
Şərh əlavə et