Kokpit.az xatırladır ki, avstraliyalı sürücü Şpilberqdə cümə gününü ikinci yerdə tamamlayıb və o, lider Antonellidən 0.237 saniyə geridə qalıb. Buna baxmayaraq gənc pilot günün ümumilikdə məhsuldar keçdiyini vurğulayıb.
Oskar Piastri: “Olduqca yaxşı gün idi. Mercedes-dən, daha doğrusu ən azı Kimi Antonellidən bir qədər geridəyik. Amma bunu onsuz da gözləyirdik.
Bunun xaricində çox səmərəli gün keçirdiyimizi düşünürəm. Bir çox fərqli variantı sınaqdan keçirdik.
İspaniyadan sonra mənim tərəfdə üzərində işləməli olduğumuz bəzi məqamlar var idi və hesab edirəm ki, onları yoxlamaq baxımından yaxşı iş gördük”.
Oskar Piastri bildirib ki, komandanın bir gecənin içində möcüzəvi irəliləyiş əldə etməsi mümkün deyil. Bununla belə, komanda daxilində məlumat mübadiləsinin vacib rol oynayacağını vurğulayıb: “Bir gecənin içində yeni nəsə icad edə bilmərik. Amma şübhəsiz ki, bir-birimizdən öyrənə biləcəyimiz məqamlar var. Həmin məqamları tətbiq etməyə çalışacağıq və sonda harada olduğumuzu görəcəyik”.
Şərh əlavə et