İlk sərbəst yürüşdə komanda olaraq güclü çıxış etdiklərini deyən britaniyalı sünürü bunun qismən rəqiblərin problemləri ilə bağlı ola biləcəyini etiraf edib.
Corc Rassell: “İlk sessiya hər ikimiz üçün çox uğurlu keçdi, maşında özümüzü həqiqətən yaxşı hiss edirdik. Amma düzünü desəm, ikinci sessiya başlayan kimi McLaren çox sabit temp tutdu. Bizim tərəfdən sessiya müəyyən qədər pozuldu, lakin McLaren həm bir dövrədə, həm də yarış tempində çox güclü görünürdü”.
Britaniyalı pilot bildirib ki, ilk məşqdə əksər rəqiblərin problemlə üzləşməsi Mercedes-in sürətini olduğundan daha yaxşı göstərmiş ola bilər. “Birinci sessiyada monitora hər baxanda hansısa pilotun boksda problem yaşadığını görürdüm. Lando yalnız sessiyanın sonunda trasa çıxa bildi, Lyuis və Maks da müəyyən çətinliklərlə üzləşdilər.
Bu, yəqin ki, bizim ilk məşqdəki tempimizi reallıqdan bir qədər yaxşı göstərdi. İkinci sessiyada isə McLaren-in elə ilk dövrələrdən zirvəyə yüksəlməsi həqiqətən sürpriz oldu”.
Rassell sıralanma turu öncəsi təkərlərin idarə olunmasının əsas amillərdən biri olacağını da vurğulayıb: “Təkərləri qızdırmaqla bağlı qətiyyən problem yoxdur. Bu gün asfaltın temperaturu düz 60°C-yə çatmışdı və təkərlər sanki yanırdı.
Tras cəmi 11 döngədən ibarət olsa da, belə ekstremal şəraitdə təkərləri bütün dövrə ərzində optimal iş rejimində saxlamaq və balansı qorumaq heç də asan deyil”.
Şərh əlavə et