Faenza mərkəzli komanda həftəsonunun açılış sessiyasında bolidi Red Bull-un gənc pilot proqramının üzvü Ayumu İvasaya həvalə edəcək. İvasa Red Bull Rinqdə keçiriləcək ilk sərbəst yürüş sessiyasında Liam Lousonu əvəz edərək 2026-cı il mövsümündə ikinci Formula 1 təcrübəsini yaşayacaq.
Yapon pilot bu il ilk sessiyasına İspaniya Qran Prisi həftəsonunda çıxmış və Red Bull komandasında Ayzek Hacarın RB22 bolidinin sükanı arxasına keçmişdi. İvasa bu dəfə qardaş komanda Racing Bulls-un bolidini idarə edəcək və əsasən məlumat toplamaqla məşğul olacaq.
Adətən komandalar üçün müəyyən çətinlik yaradan bu məcburi qaydada Racing Bulls bu il bir qədər üstün vəziyyətdədir. Komandanın pilotu Arvid Lindblad artıq gənc pilot statusuna malik olduğu üçün mövsümün əvvəlində iştirak etdiyi ilk iki sərbəst yürüş sessiyası avtomatik olaraq Racing Bulls-un yerinə yetirməli olduğu kvotaya daxil edilib.
Qalan sessiyalar üçün isə Ayumu İvasa kimi gənc istedadlar öz növbələrini gözləyirlər.
Şərh əlavə et