Kataloniyada sprint həyəcanı beş qırmızı işığın sönməsi ilə başlayıb. Pouldan start alan Pedro Akosta ilk döngəyə lider daxil olmağı bacarıb. Toprak Razqatlıoğlu startda yerini qoruyarkən, Bred Binder və Xoan Mir qəzaya uğrayıblar.
Yohann Zarko Aleks Markesi keçərək ikinci pilləyə yüksəlib, lakin dövrə başa çatmadan Markes yerini geri alıb.
3-cü dövrədə Aleks Markes liderlik uğrunda Pedro Akostaya hücum edib. İlk cəhdində uğur qazana bilməsə də, ikinci cəhdində keçidi tamamlamağı bacarıb.
Xorxe Martinin kabus kimi keçən həftəsonu davam edib və ispaniyalı pilot yenidən qəzaya uğrayıb. Raul Fernandes də Pedro Akostanı keçərək ikinci pilləyə yüksəlib. Maverik Vinyales isə boksa dönərək yarışı dayandırıb.
Bitimə 4 dövrə qalmış Pedro Akosta ikinciliyi Raul Fernandesdən geri alıb. Bir dövrə sonra Fabio Di Cianantonio Raul Fernandesi keçərək üçüncü yerə yüksəlib.
12 dövrənin ardından son bir neçə döngədə Aleks Markeslə Pedro Akosta arasında gərgin qələbə mübarizəsi yaşanıb. Mübarizənin sonunda Aleks Markes Kataloniyada sprint yarışının qalibi olub. Pedro Akosta ikinci yeri tutarkən, Fabio Di Cianantonio podiumun son pilləsinə yüksəlib.
Dördüncü və beşinci yerlər Raul Fernandes və Yohann Zarkoya qismət olub. Françesko Banyaya isə yarışı altıncı sırada başa vurub.
Şərh əlavə et