Q1
Kataloniyada pit yolunun açılması ilə 15 dəqiqəlik Q1 sessiyası başlayıb.
İlk sürətli dövrələrdən sonra liderliyə yüksələn pilot 1:38.797 nəticə ilə Enea Bastyanini olub.
Toprak Razqatlıoğlu ön təkərində bloklanma yaşayaraq qısa müddətlik tras xaricinə çıxıb. Lakin o yenidən cəhdinə davam edib, lakin sərt qəza edərək, sessiyanı vaxtından əvvəl başa vurub.
Bu vaxt Xorxe Martin 1:38.701 nəticə ilə ilk pilləyə yüksəlib. Lakin ispaniyalı pilot da qısa müddət sonra qəzaya uğrayıb. Franko Morbidelli 0.2 saniyə daha sürətli dövrə ilə zirvəyə yüksəlsə də, sarı bayraqlar altında vurduğu üçün həmin dövrəsi ləğv olunub. Fermin Aldeqer də qəza edən pilotlardan biri olub.
Franko Morbidelli növbəti cəhdində 1:38.550 nəticə göstərərək ilk pilləni tutub. Xorxe Martin isə ikinci olaraq Q2-yə yüksələn digər pilot olub.
Q2
Q2 sessiyası üçün yaşıl işıqların yanması ilə pilotlar trasa çıxmağa başlayıblar. İlk sürətli dövrə Pedro Akostadan gəlib və ispaniyalı 1:38.118 nəticə ilə liderliyə yüksəlib.
İlk cəhdlərindən sonra boksa qayıdan pilotlar qısa fasilənin ardından yenidən trasa dönüblər. Marko Bezzekki 2-ci döngədə qəza edib.
15 dəqiqəlik Q2 sessiyasının sonunda Pedro Akosta nəticəsini 1:38.068-ə qədər yaxşılaşdırıb və onun vaxtını keçən olmayıb.
Franko Morbidelli liderdən 0.233 saniyə geri qalaraq ikinci olub. Aleks Markes üçüncü, Raul Fernandes isə dördüncü yeri tutub. Onları Yohann Zarko izləyib.
Fabio Di Cianantonio və Fabio Kuartararo isə sırasıyla altıncı və yeddinci yerlərdə qərarlaşıblar.
Şərh əlavə et