Startın verilməsi ilə bütün sürücülər trasa çıxıb və bir saatlıq əsas məşq sessiyası başlayıb. Sessiyanın ilk dəqiqələrində Marko Bezzekki vurduğu sürətli dövrə ilə 1:39.062 nəticə əldə edərək ilkin tempi müəyyənləşdirən sürücü olub. Aleks Markes də Bezzekkiyə yaxın dövrə vaxtları göstərib.
Sürücülər sürətli dövrələrini tamamladıqdan sonra motosikletlərindəki sazlamaları optimallaşdırmaq üçün boksa qayıdıblar. Sessiyanın ərzində sürətli dövrələr davam edib.
Fabio Di Cannantonio vurduğu sürətli dövrə ilə ilk üçlüyə yüksəlməyi bacarıb. Bu zaman Ai Oqura ikinci döngədə motosikletə nəzarəti itirərək sərt qəza keçirib və boksa qayıdıb.
Sessiyanın ortalarında Bred Binder gözlənilmədən güclü dövrə vuraraq, liderliyə yüksəlib. Sürətli dövrədən yaxşı nəticə alan Binder motosikletdəki sazlamaları yaxşılaşdırmaq üçün boksa geri dönüb.
Sessiyanın son on dəqiqəsinə yaxın Pedro Akosta 1:38.710 nəticə göstərərək Binderi geridə qoyub. Ardınca dövrəsini tamamlayan Di Cannantonio isə Akostadan cüzi fərqlə geri qalaraq ikinci sıraya yerləşib.
Sessiyanın son dəqiqələrində temp daha da artıb. Aleks Markes sürətli dövrəsi ilə Di Cannantonionun əlindən ikinciliyi almağı bacarıb. Raul Fernandez 1:38.982 nəticə ilə beşinci sıraya yüksəlib. Xoan Mir isə 1:38.846-lıq dövrəsi ilə dördüncü yeri tutub.
Joan Mirin ikinci döngədə etdiyi qəza qısa müddətlik sarı bayraqların çıxmasına səbəb olub. Dərhal ardından eyni döngədə Xorxe Martin də qəza edib və sarı bayraqlara görə bəzi sürücülər sürətli dövrələrini yarıda saxlamaq məcburiyyətində qalıblar. Qəzadan sonra əsəbiləşən Martinin görüntüləri ekrana yansıyıb və sürücü boksa qayıdıb.
Sessiyanın son dövrələrində yaşanan qəzalar səbəbindən sarı bayraqlar sürətli dövrələrə mane olarkən, Kuartararo son dövrəsində 1:38.979 nəticə göstərərək Q2-yə yüksəlməyi bacarıb.
Sessiyanın başa çatması ilə ən sürətli dövrənin sahibi 1:38.710 nəticə ilə Pedro Akosta olub.
Şərh əlavə et