Həftəsonunun ilk sessiyasına start verilməsi ilə Kataloniyada 45 dəqiqəlik ilk məşq rəsmi olaraq başlayıb.
İlk beş dəqiqə geridə qalarkən Pedro Akosta 1:40.388 nəticə ilə zirvəyə yüksəlib. Xorxe Martin isə 1:40.299-luq dövrəsi ilə liderliyi Akostadan alıb.
Sessiya ümumilikdə sakit keçərkən, məşqin yarısı tamamlandığı anda Xorxe Martin 12-ci döngədə qəza edərək, 4-cü sektorda sarı bayraqların çıxmasına səbəb olub. Bundan dərhal sonra Pedro Akosta da qəza edib. Eyni döngədə Bred Binder də qəza yaşayan pilotlardan biri olub.
Sessiyanın bitməsinə iki dəqiqə qalmış Aleks Markes, Martinin sessiyanın əvvəlində vurduğu dövrədən 0.349 saniyə daha sürətli nəticə göstərərək 1:39.950 ilə ilk sıraya yüksəlib. Qəzadan sonra sessiyanı davam etdirə bilməyən Xorxe Martin ikinci olub, Fabio Di Cannantonio isə sessiyanı üçüncü sırada tamamlayıb. İlk beşlikdə yer alan digər pilotlar Pedro Akosta və Marko Bezzekki olublar.
Şərh əlavə et