Kokpit.az bildirir ki, Madriddə avtodromun tikintisi davam edir və vaxtaşırı təşkilatçıların bütün işləri vaxtında çatdıra bilməyəcəyi ilə bağlı şayiələr yayılır. Avtodromun baş direktoru Luis Qarsiya Abad bildirib ki, bu şayiələr həqiqətə uyğun deyil və yarış baş tutacaq.
Luis Qarsiya Abad: “Bizim yerimizə başqa yarışın keçirilməsi müqavilə şərtlərinə görə mümkün deyil. Şayiələr elə şayiədir – onlar Formula 1 paddokunda hər gün dolaşır, amma bizim vəziyyətimizdə belə deyil. Biz İmola və Türkiyə ilə bağlı şayiələr eşitmişik, lakin hansısa tras gündəmə gələndə bunlar həmişə ortaya çıxır. Bizim üçün bu problem deyil. Yarışın keçiriləcəyinə heç bir şübhəm yoxdur. FIA, FOM və biz mərhələnin keçirilməsinə mane ola biləcək heç bir problem görmürük.”
Şərh əlavə et