Əvvəlcə azyaşlılar trasa çıxıblar. Onlar arasında mübarizə sıx gedib. 36 iştirakçı arasından 7 nəfər final yarışına qalıblar. Final yarışında Rafiq Kazımlı hamıdan üstün olub. O, damalı bayrağı bütün rəqiblərindən öndə keçərək, azyaşlılar kateqoriyasında kartinq üzrə Azərbaycan Çempionluğunu qazanıb. Ömər Şahmuradlı ikinci, Əli Rüstəmov isə üçüncü yerləri tutublar.
Bundan sonra isə böyüklər ən güclünü təyin etmək üçün sükan arxasına keçiblər. Burada isə 33 iştirakçı olub və 7 sürücü finala çıxmağa haqq qazanıb. Finalda izləyicilər təkər-təkərə mübarizə izləyiblər. Sonda qalib Niyazi Qurbanov olub. Mədinə Abdullayeva ikinci yeri tutub. Bununla da, Azərbaycanda ilk dəfə olaraq kartinq çempionatında podiuma bir qadın pilot yüksəlib. Əli Abdullazadə isə üçüncü nəticə göstərib.
Sonda hər iki kateqoriyanın qalibləri və ilk 3 yeri tutan sürücüləri medallarla və hədiyyələrlə təltif olunublar.
Şərh əlavə et