Yaponiya Qran Prisindən sonra danışan Brandl bildirib ki, bu vəziyyət televiziya ekranlarında tam görünməsə də, paddokda çox aydın hiss olunur: sürücülərin gözlərindən belə yorğunluq oxunur.
1997-ci ilin dünya çempionu Jak Vilnöv isə bu yorğunluğun fiziki yox, tamamilə zehni olduğunu vurğulayıb. Onun fikrincə, pilotların çatmalı olduğu fokus səviyyəsi və sərf etdikləri enerji beyni tam şəkildə “yandırır”.
Eyni fikri 1996-cı ilin Dünya Çempionu Deymon Hill də daha yumorlu formada ifadə edib. Hillin sözlərinə görə, müasir pilot olmaq sanki eyni anda bir neçə işi paralel görmək kimidir — həm balans saxlamaq, həm hesab aparmaq, həm də saniyələr içində qərar vermək.
Yeni nəsil bolidlərdə:
•batareya idarəetməsi
•enerji ötürülməsi
•düzlüklərdə istifadə olunan xüsusi rejimlər kimi faktorlar pilotları yarış ərzində fasiləsiz qərar verməyə məcbur edir.
Liam Louson da bu vəziyyəti təsdiqləyib. O bildirib ki, fiziki olaraq yaxşı olsa da, zehni baxımdan özünü xeyli yorğun hiss edir: yeni mövsümdə sürücülər sükan arxasında daha çox şeyi eyni anda düşünmək məcburiyyətindədirlər.
Nəticə olaraq, 2026-cı il qaydaları Formula 1-də rəqabəti yeni səviyyəyə çıxarsa da, bunun “gizli qiyməti” pilotların mental yükünün kəskin artması olub.
Şərh əlavə et