Yeni rəhbərin axtarışı prosesi 2025-ci ilin sonunda başlanıb – həmin vaxt Nyui müvəqqəti olaraq bu vəzifəni tutaraq Andi Koveli əvəz etmişdi. Bu proses Aston Martin-in cari nəticələri ilə bağlı olmayıb. PlanetF1.com-un məlumatına görə, Adrian Nyui yeni komanda rəhbərinin axtarışına şəxsən rəhbərlik edir.
Bir neçə namizəd nəzərdən keçirilib. Onların arasında Aston Martin Group-un sabiq baş direktoru Martin Vitmarş, Maks Ferstappenin yarış mühəndisi Canpiero Lambiase, Audi-nin iki top-meneceri – Mattia Binotto və Conatan Vitli, həmçinin McLaren-in sabiq komanda rəhbəri Andreas Zaydl və Red Bull Racing-dən ayrılmış Kristian Horner də olub.
Namizədlərdən bəziləri təklifi rədd edib, digərlərini isə razılaşacaqları halda uzunmüddətli məcburi fasilə gözləyir. Hazırda əsas namizədlər kimi Vitli, Zaydl və Horner göstərilir. Aston Martin-də tələsməməyə üstünlük verilir və uzunmüddətli perspektiv üçün optimal variantın seçilməsi hədəflənir. Bu zaman Adrian Nyuinin vəzifədə olması ilə təmin olunan sabitlik də nəzərə alınıb.
Şərh əlavə et