Kokpit.az xatırladır ki, yeni mövsümdən etibarən Formula 1-də yeni reqlament qüvvəyə minir. Bundan ən çox şikayət edən sürücü Maks Ferstappendir.
Martin Brandl: “Maksı başa düşmək o qədər də çətin deyil, o açıq və birbaşa insandır. Əgər Formula 1-də uzun illər çıxış etməyi planlaşdırmadığını deyirsə, deməli bu, həqiqətən belədir. Pul ona motivasiya vermir. O artıq kifayət qədər qazanıb. Dözümlülük yarışlarını sevir, simulyator yarışlarını sevir, ümumiyyətlə, əksər şeyləri sevir. Düşünmürəm ki, on ildən sonra onu Formula 1-də görək.
Əminəm ki, əgər Red Bull-dan ayrılmaq istəsə, alternativ variantları var. O, Ferrari və Mercedes kimi komandaları nəzərdən keçirə bilər. Görünür, Red Bull/Ford güc qurğusu kifayət qədər rəqabətlidir, hazırda Maks vəziyyəti izləyir və hadisələrin necə inkişaf edəcəyini gözləyir. Amma onun növbəti addımının nə olacağını təsəvvür etmək çətindir: fasilə verəcək, Formula 1-dən gedəcək, yoxsa Red Bull-da qalacaq. Onun əsas üstünlüyü istedadıdır və bu istedad ona istənilən komandaya və istənilən karyera variantına yol açır”.
Şərh əlavə et