Start proseduruna xüsusi diqqət ayrılıb, çünki onun təhlükəsizliyi ilə bağlı müəyyən suallar yaranmışdı. Hava əla olub, əvvəlki günlər maneə yaradan külək səngiyib. Asfalt istifadə olunmuş rezinlə örtülərək daha yaxşı ilişmə (grip) təmin edib.
İkinci saatda hamı boksa qayıtmalı olub, çünki Valtteri Bottasın maşını trasda dayanandan sonra qırmızı bayraqlar göstərilib. Bolid evakuatorla götürülərək boksa qaytarılıb, fin sürücü təxminən iki saat itirib, lakin daha sonra yenidən trasa çıxıb.
Nəticədə Bottas və Ləns Stroll istisna olmaqla, demək olar ki, bütün pilotlar artıq səhər sessiyasında yarış məsafəsini (Bəhreyndə 57 dövrə) qət edə biliblər
Protokola Corc Rassell başçılıq edib – o, Mercedes ilə 1:33.918 zaman nəticəsi göstərərək, üç günün ən yaxşı vaxtını qeyd edib. Ən böyük məsafəni isə Racing Bulls komandasında çıxış edən Liam Louson qət edib.
Bir saatlıq fasilədən sonra testlər davam edəcək.
Sessiyanın nəticələri
| # | Pilot | Komanda | Vaxt | Fərq | Dövrə |
| 1 | George Russell | Mercedes | 1:33.918 | – | 78 |
| 2 | Lewis Hamilton | Ferrari | 1:34.209 | +0.291 | 69 |
| 3 | Max Verstappen | Red Bull | 1:35.341 | +1.423 | 61 |
| 4 | Oliver Bearman | Haas | 1:35.972 | +2.054 | 70 |
| 5 | Oscar Piastri | McLaren | 1:36.390 | +2.472 | 73 |
| 6 | Franco Colapinto | Alpine | 1:36.874 | +2.956 | 64 |
| 7 | Carlos Sainz | Williams | 1:37.186 | +3.268 | 68 |
| 8 | Liam Lawson | Racing Bulls | 1:37.238 | +3.320 | 84 |
| 9 | Gabriel Bortoleto | Audi | 1:37.536 | +3.618 | 60 |
| 10 | Lance Stroll | Aston Martin | 1:38.423 | +4.505 | 54 |
| 11 | Valtteri Bottas | Cadillac | 1:38.772 | +4.854 | 37 |
Şərh əlavə et