K.Horner: Rikkardo çempion ola bilərdi

K.Horner: Rikkardo çempion ola bilərdi
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Formula 1-də keçirdiyi 14 mövsüm ərzində Daniel Rikkardo 8 qələbə qazanıb və onlardan yeddisini Red Bull Racing maşınları ilə əldə edib.

Kokpit.az avstraliyalı sürücü 2014 və 2016-cı illərdə dünya çempionatını üçüncü pillədə başa vurub və bu nəticələr onun karyerasındakı ən yüksək nailiyyətlər olaraq qalır.

Lakin Maks Ferstappenin ulduzu parladıqca və Red Bull-un əsas diqqəti niderlandlı sürücüyə yönəltdiyi aydınlaşdıqca, Rikkardo zavod komandası Renault-ya keçmək qərarı verib. Bununla belə, o, burada cəmi bir neçə mövsüm qalıb, daha sonra McLaren-ə qoşulub və 2022-ci ilin sonunda öz istəyi xaricində bu komanda ilə yolları ayrılıb. Komanda rəhbərliyi onu başqa bir avstraliyalı ilə əvəzləmək qərarı verib və Danielin yerini gənc və perspektivli Oskar Piastri tutub.

Bundan sonra baş verənlər yaxın tarixdir və hamının yadındadır. İndi görünür ki, Rikkardo karyerasını tamamilə başa vurub. Onun digər yarış seriyalarında özünü sınamaq istəyib-istəməyəcəyini zaman göstərəcək, lakin hazırda belə planları yoxdur və diqqətini biznes layihələrinə yönəldib.

Kristian Hornerin sözlərinə görə, Daniel ən yaxşı formasında olanda Red Bull Racing-in ixtiyarında həmişə ən güclü maşınlar olmayıb, halbuki başqa şəraitdə o, dünya çempionluğu uğrunda mübarizə apara bilərdi.

“Daniel sadəcə möhtəşəm insandır,” – Red Bull Racing-in sabiq rəhbəri Avstraliyada məşhur aparıcı Kristian O’Konnellin radio şousunda iştirak edərkən deyib. – “O, otağa daxil olan kimi hər yer işıqlanır. Çox parlaq şəxsiyyətdir, ürəyi təmizdir. Çox emosional insandır və bizim aramızda dərhal yaxşı münasibət yaranmışdı.

O, həm də çox güclü sürücüdür, amma təəssüf ki, ən yaxşı dövründə bizim maşın çempionatluq üçün rəqabət aparacaq səviyyədə deyildi. Məncə, əgər o vaxt belə bir maşını olsaydı, Rikkardo dünya çempionu ola bilərdi. Düşünürəm ki, Formula 1 indi onun yoxluğunu hiss edir”.

Xatırladaq ki, Daniel Rikkardo 2017-ci ildə mövsümün yekununa görə Maks Ferstappeni qabaqlaya bilən yeganə sürücü olaraq qalır – həmin vaxt Maksın cəmi 20 yaşı var idi.

Bunları da oxuyun

Şərh əlavə et