Mario paddokda ən pozitiv və hörmət edilən simalardan biri kimi tanınıb. O, Covid-19 dövründə könüllü olaraq təcili tibbi yardım maşınında sürücü kimi çalışıb, Pirelli-dəki rəsmi fəaliyyətində isə hər zaman mətbuatla açıq ünsiyyət qurub.
İtaliya mətbuatındakı yazılara əsasən, Pirelli şirkətinin daxilində aparılan kadr dəyişiklikləri İzolanın rolu və gələcək perspektivləri ilə bağlı suallar yaradıb və bu da onun yeni imkanları dəyərləndirməsinə səbəb olub.
Şayiələr yayılmağa başlayandan sonra İtaliya Milli Avtomobil Klubu (ACI) ona idman strukturlarında rəhbər vəzifə təklif edib və Mario bu təklifi qəbul edib.
Hazırda Pirelli-də onun yerinə təyin olunacaq şəxs müəyyənləşdirilməyib, lakin şirkətin rəhbərliyi vakant vəzifəni təşkilat daxilindən yüksəliş yolu ilə doldurmağı planlaşdırır.
Şərh əlavə et