İctimaiyyət bunu narazılıqla qarşılayıb. Fotolar kimə mane ola bilərdi? Avtoidman həvəskarları onsuz da bir həftə sonra rəsmi testlərdə eyni vəziyyətdə və demək olar ki, dəyişmədən görünəcək yeni bolidləri niyə indidən görə bilməsinlər? Formula 1 bu suallara cavab verməyib. Azarkeşlər və mətbuat bunu yadda saxlayıb və mövsüm ərzində dəfələrlə xatırladacaq. Komandaların səhmdarlarının da bundan məmnun qaldığını demək olmaz.
Yeganə məntiqli izah kimi göstərilən səbəb budur: guya müqaviləyə əsasən 2026-cı ilin ilk rəsmi testləri məhz Bəhreyndə keçirilməlidir. Bu isə mənasız səbəbdir. Testlər onsuz da orada keçiriləcək. Bəs azarkeşləri qovmaq nəyə lazım idi?
Barselonada yerli vaxtla saat 9:00-da testlərin ikinci günü start götürüb. Williams maşınla bağlı problemlər səbəbindən ümumiyyətlə Barselonaya gəlməyəcək. Aston Martin yalnız cümə axşamı və cümə günü işləyəcək. Digər komandaların qrafiki isə sərbəstdir. Belə ki, onlar beş gündən istənilən üç günü seçə bilərlər və cədvəllərini açıqlamayıblar. Ferrari və McLaren-in bu gün trasa çıxması planlaşdırılıb, lakin hər şey havadan asılıdır. Hava şəraiti pisləşsə, komandalar icazə verilən günlərdən birini itirməmək qərarı verə bilər.
Proqnozu nəzərə alaraq ikinci gün başlamazdan əvvəl Mercedes, Alpine, Audi, Cadillac və Haas yağış səbəbilə bu gün işləməyəcəklərini açıqlayıblar.
Hazırda hava normaldır – buludlu və +12 dərəcə isti müşahidə olunur. Lakin günortadan sonra yağış ehtimalı var və bu, növbəti günlərdə də komandaların işinə mane ola bilər, çünki onlar yağış və keçid təkərlərindən çox az sifariş ediblər.
Şərh əlavə et