Kokpit.az xatırladır ki, hər iki sürücü də Red Bull-un Sürücü Akademiyasında yetişib. Sebastyan Fettel 2010-2013-cü illərdə, Maks Ferstappen isə 2021-2024-cü illərdə dörd titul qazanıblar.
Helmut Marko: “Fettelin yanaşması daha çox analitik idi. O, saatlarla mühəndislərlə birlikdə çalışaraq maşından maksimum sürəti necə əldə etməyin yollarını axtarırdı.
Maks isə daha çox təbii instinktlərinə güvənir. Amma zamanla o da yetkinləşib və artıq nə istədiyini dəqiq bilən, komandanı arxasınca apara bilən sürücüyə çevrilib.
Ferstappen xüsusi sürücüdür. Çox sürətlidir, son dərəcə istedadlıdır və maksimum dərəcədə fokuslanıb. Digər heç bir sürücü ilə bu qədər tam və ahəngdar əməkdaşlığım olmayıb. Onun sarsılmaz dəyərləri var ki, bunlar adətən yaxşı insanlara xas olur. Belə xüsusiyyətlərin bir arada olması isə olduqca nadir haldır”.
Şərh əlavə et