Gələn mövsümdə Formula 1-də Mercedes mühərrikləri ilə dörd komanda çıxış edəcək: Baza komandası ilə yanaşı McLaren, Williams və Alpine. Müştəri komandaları ilə müqavilələr 2030-cu ilə qədər qüvvədədir, lakin Toto Volff artıq indidən bildirib ki, onlardan biri və ya ikisi ilə əməkdaşlıq dayandırılacaq.
Toto Volff: “Hazırda bizim mövqeyimiz növbəti illərdə mühərrik verdiyimiz komandaların sayını azaltmaqdır. Bunu Daimler AG-nin Müşahidə Şurasının sədri Ola Källeniusla da müzakirə etmişik.
Mercedes mühərrikləri üçün optimal komanda sayı iki və ya üçdür. Amma bu, gələcək mühərrik reqlamentindən də çox asılı olacaq. Mühərriklər nə qədər sadə olacaq? Daha çox komandaya mühərrik verərək nələri öyrənə biləcəyik?”
Toto Volff vəziyyəti Honda ilə müqayisə edib. 2026-cı ildən sonra Honda yalnız Aston Martin-ə mühərrik verəcək. Məlumata görə, mövsümün ilk mərhələsi üçün Melburna Mercedes 16 güc qurğusu gətirməlidir, Honda isə bunun bir neçəsini hazırlamalıdır.
Toto Volff: “Honda-nın vəziyyətində onlar Avstraliya üçün cəmi dörd-beş mühərrik hazırlamalıdırlar. Bu isə onların istehsal və yoxlama üçün daha çox vaxta sahib olması deməkdir. Bütün bu amilləri nəzərə alsaq, gələcəkdə Mercedes-in dörd müştəri komandası olmayacaq”.
Şərh əlavə et