Toyota Gazoo Racing Haas-ın titul sponsoru olub

Toyota Gazoo Racing Haas-ın titul sponsoru olub
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

2026-cı ildən Toyota Motor Corporation-ın avtoidman bölməsi olan TOYOTA GAZOO Racing (TGR) Haas F1-in titul sponsoru olacaq. ABŞ komandası növbəti mövsümdən TGR Haas F1 Team adlanacaq.

Toyota avtoidmanda zəngin tarixə malikdir. Şirkət TGR vasitəsilə müxtəlif seriyalarda çıxış edib, WRC və FIA WEC çempionatlarında təmsil olunub. Bu il tərəflər artıq əməkdaşlığı genişləndiriblər. Belə ki, Toyota tərəfindən dəstəklənən yapon pilotlar Haas F1-in əvvəlki illərə aid maşınlarında (TPC proqramı üzrə) testlərdə iştirak ediblər. 2026-cı ildə bu proqram “TGR Haas gənc sürücülərin inkişaf proqramı” adlandırılacaq.

Komandanın rəhbəri Ayo Komatsu deyib: “TGR ilə əlaqələrimizi titul tərəfdaşlığı səviyyəsinə qaldırmaq bizim üçün böyük şərəfdir. İndiyədək əməkdaşlığımız bütün gözləntilərimizi doğruldub, bunu TPC testlərində əldə edilən uğurlar da sübut edib. Lakin arxa planda daha böyük işlər görülüb. O cümlədən 2026-cı il üçün Banberidəki mərkəzimizdə yeni simulyatorun hazırlanması və quraşdırılması…

Haas F1 və TGR-in birlikdə həyata keçirdiyi heyət hazırlığı proqramı bizə böyük fayda verib və tərəfdaşlıq dərinləşdikcə bu fayda daha da artacaq. Gənc sürücülərin hazırlığı proqramı daxil olmaqla, bu əməkdaşlığı genişləndirməyə görə çox sevinirik”.

Toyota Motor Corporation-ın rəhbəri Аkio Toyoda isə bildirib: “2025-ci il mövsümü boyunca gənc TGR sürücülərinin və mühəndislərinin öz potensialına inanmağa başlayıb daha iddialı hədəflər qoyduqlarını görmüşəm. Bu dəyişimi izləmək məni həqiqətən təsirləndirib. Gənclərimizə dəstək olduqları, onların potensialına inandıqları və eyni ehtirasla gələcəyə baxdıqları üçün Cin Haas və Ayoya səmimi təşəkkürümü bildirirəm.

İndi növbəti nəslin dünya səhnəsində ilk addımlarını atmağın vaxtı çatıb. Cin Haas, Ayo və TGR Haas F1 komandasının bütün üzvləri ilə birlikdə biz gələcəyin komandasını və mədəniyyətini formalaşdıracağıq. Toyota artıq həqiqətən irəliyə doğru addımlayır”.

Bunları da oxuyun

Şərh əlavə et