Azərbaycan F2: Beqanoviçdən ilk qələbə!

Azərbaycan F2: Beqanoviçdən ilk qələbə!
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Bir neçə pilotun sıralanma turundan sonra aldığı cəzalar nəticəsində şənbə sprintinin start düzülüşü dəyişib və poul mövqeyindən Van Amersvoort Racing (VAR) komandasının meksikalı sürücüsü Rafael Vilyaqomes start alıb.

Lakin ikinci və üçüncü yerdən yarışa başlayan Dino Beqanoviç və Sebastyan Montoya onu işini çətinləşdirib. Villahomes uğursuz start alıb. Montoya isə möhtəşəm çıxışla dərhal ikinci yerə yüksəlib, yarışın liderliyini isə Ferrari-nin gənclər proqramına daxil olan və Hitech komandasının şərəfini qoruyan Beqanoviç ələ alıb.

Villyaqomes üçün hər şey daha da pis nəticələnib: birinci döngədə Pepe Marti onu trasdan çıxarıb və meksikalı yarışı dayandırıb. Marti boksa dönə bilsə də, zədələnmiş maşın səbəbindən o da mübarizəni dayandırmalı olub.

Amma təhlükəsizlik maşını yalnız bu insidentə görə trasda görünməyib – ikinci döngədə Red Bull-un gənclər proqramına daxil olan, MP Motorsport komandasının pilotu Oliver Göte də idarəetməni itirib və maşını yerində fırlanıb.

Beləliklə, ilk dövrədən sonra üç pilot yarışdan kənar qalıb. Bu hadisələrdən sonra Trident-in debütant sürücüsü Martinus Stenshorn üçüncü yerə yüksəlib. Onun mövqeyini qoruyacağına şübhələr olub, çünki arxasında titul iddiaçıları Luk Brauninq və Aleks Dann olub. Ancaq 19 yaşlı danimarkalı texniki problemə görə finişə çata bilməyib.

Restartda Dann Brauninqi ötməyə cəhd edib, amma uğursuz alınıb. Ardınca trasda yenidən sarı bayraqlar qaldırılıb – bu dəfə Kuş Maininin maşını trasdan kənara çıxıb. Hindistanlı sürücü boksa dönərək, zədələnmiş ön qanadı dəyişib.

Beqanoviç liderliyini qoruyub, bir neçə dövrə ərzində Montoyadan bir saniyədən çox fərq açıb. Bu vaxt Stenshorn Montoyanı sıx təqib edib və 7-ci dövrədə cəsarətli manevrlə kolumbiyalını keçib. Lakin dərhal sonra texniki nasazlıq səbəbindən sürəti itirib və  trasda dayanıb.

Yenidən əvvəlcə sarı bayraqlar qaldırılıb, ardınca virtual təhlükəsizlik maşını rejimi elan olunub. Lakin Trident-in maşını trasın 15–16-cı döngələri arasındakı enişdə qaldığı üçün marşallar onu tez təxliyə edə bilməyiblər. Nəticədə VSC rejimi real təhlükəsizlik maşını ilə əvəzlənib.

Restartdan sonra ilk beşlik belə olub: Beqanoviç lider, ardınca Montoya, Brauninq, Dann və Qabriyele Mini. Bu vaxt hava şəraitinin dəyişməsi də təsirini göstərməyə başlayıb – güclü küləklə yanaşı, Bakıda gözlənilən yağışın ilk damlaları da düşüb.

13-cü dövrədə restart sakit keçib. Bir qədər sonra Dann Brauninqi keçərək üçüncü yerə yüksəlib. Yağış damcılayıb, amma o qədər də güclü olmayıb ki, sürücülər ortaşınara keçsinlər. DRS istifadəsinə icazə verilib. Bu vaxt Montoyanın təhlükəsizlik maşını trasda olarkən etdiyi qayda pozuntusu stüardların diqqətinə çatıb, amma qərar finişdən sonra verilib.

15-ci dövrədə Dann birinci döngədə əyləcdə səhv edib və Brauninq mövqeyini geri qaytarıb. Bundan əlavə, Dann təkərlərinə zərər vurub, vibrasiya sürüşünü çətinləşdirib. Sonrakı dövrədə Mini də onu keçib.

Beqanoviç isə inamla liderliyini artırıb və Montoyadan dörd saniyədən çox uzaqlaşıb. Montoya ilk dövrədəki güclü blokaj səbəbindən zədələnmiş təkərlərlə sürməyə məcbur olub. Nəticədə Brauninq 18-ci dövrədə onu keçib. Ardınca Montoyanın mühərrikində problem yaranıb və kolumbiyalı sürücü ümumiyyətlə sürətini itirib.

Son dövrələrdə Cek Krouford 10-cu yerdən start götürməsinə baxmayaraq, dördüncü mövqeyə qədər yüksəlib və Dannı da təqib etməyə başlayıb. Yarış bir dövrə daha davam etsəydi, amerikalının podiuma çıxmaq şansı böyük idi. Amma yarış sona çatıb və Krouford finişdə Dannın arxasında beşinci olub. Aleks isə karyerasında yeddinci dəfə podiuma qalxıb.

Beqanoviçin Formula 2-də qazandığı ilk qələbə həm layiqli, həm də inandırıcı olub – finişdə onun Brauninq üzərindəki üstünlüyü 6 saniyədən çox təşkil edib. Bununla belə, Brauninq narazı qalmayıb, çünki o, şəxsi hesabda ikinci yerdəki mövqeyini möhkəmlədib. Digər titul iddiaçıları isə hamısı arxada qalıb.

Leonardo Fornaroli sprintdə 5-ci olub və çempionata liderlik etməyə davam edib. Amma Brauninq Rişard Fersxorla fərqi bir qədər də artırıb. Fersxor isə bu dəfə parlaq təsir bağışlamayıb və yarışı yalnız 6-cı yerdə bitirib.

Bunları da oxuyun

Şərh əlavə et