Komanda əvvəl gənc sürücülər Felipe Druqoviç və Cek Krouford kimi pilotlarla danışıqlar aparsa da, rəhbərlik adaptasiya prosesini sürətləndirmək üçün təcrübəyə üstünlük verib. İki pilot birlikdə 16 qələbə, 100-dən çox podium və 500-dən artıq Formula 1 startı ilə zəngin karyeraya malikdir.
Komandanın rəhbəri Qrim Loudon seçim barədə belə danışıb: “Bottas və Çeko kimi təcrübəli iki pilotun heyətimizdə olması bizim niyyətimizi göstərən cəsarətli bir addımdır. Onlar hər şeyi görüblər və F1-də uğurlu olmağın nə demək olduğunu yaxşı bilirlər. Daha önəmlisi, bir komanda qurmağın dəyərini də anlayırlar. Onların liderliyi, geribildirimləri və yarış instinktləri bu layihə üçün ölçülməz dəyər daşıyır. Mercedes-ə də əməkdaşlığı üçün təşəkkür edirik”.
TWG və Cadillac F1-in İdarə Heyətinin Rəhbəri Dan Touris isə əlavə edib: “Bottas və Çeko istedad, yetkinlik və iradənin mükəmməl balansını təmsil edirlər. Onlar təkcə sürücülükdə uğurlu deyil, həm də komanda qurmaq və əməkdaşlıq etməkdə nümunədirlər. Cadillac Formula 1 Komandasının kimliyini formalaşdıracaqlar. Bu sadəcə heyət açıqlaması deyil, Amerika avtoidmanında cəsarətli bir dövrün başlanğıcıdır”.
GM prezidenti Mark Roys isə yeni heyəti dəstəkləyərək bunları söyləyib: “Yeni pilotlarımız Cadillac ailəsinə böyük güc qatdı. Hər biri təcrübəsi və qələbə əzmi ilə seçilir. Birlikdə Cadillac, GM və Formula 1 üçün möhtəşəm bir irs inşa edirik”.
Cadillac 2026-cı il mövsümündə Formula 1-in 11-ci komandası olaraq peletonda yerini alacaq və təcrübəli pilotları ilə iddialı debüt hədəfləyir.
Şərh əlavə et