Kokpit.az bildirir ki, irlandiyalı sürücü Formula 2-də bu il debet edib və 2 qələbə qazanıb. O, çempionatda üçüncü yerdə olsa da, lider Rixard Fersxurdan 22 xal geridə qalır və hələ də titul şansı var.
Aleks Dann: “Məqsədim dəyişməyib. Mən Formula 1-də çıxış etmək və Formula 1 pilotu olmaq istəyirəm.
Formula E dəfələrlə sübut edib ki, bu seriyada güclü sürücülər və böyük mübarizə var. Bu il mən McLaren-in Formula E komandasında ehtiyat pilot kimi fəaliyyətə başladım və bu şansdan razıyam, amma əsas diqqətim və məqsədim yenə də yalnız Formula 1-dir.
Avstriya Qran Prisinə gəlincə, etiraf edim ki, cümə günü məşqində Formula 1 maşınına çox tez uyğunlaşdım və bu məni təəccübləndirdi.
Əslində Formula 1 maşınına öyrəşmək F2-yə qayıtmaqdan daha asan oldu!
Təbii ki, sürmə tərzi bir qədər fərqlidir. Formula 1 maşınlarının asfaltla ilişməsi mükəmməldir. Mənim kimi hər həftə sükan arxasına keçməyən pilot üçün bu maşın həddindən artıq güclü görünür. Ancaq sükan arxasına keçən kimi özümü gözlədiyimdən daha inamlı və rahat hiss etdim, uyğunlaşmağım da çox tez oldu”.
Şərh əlavə et