Kokpit.az bildirir ki, ispaniyalı sürücü bu qələbə ilə tarixə keçib. Belə ki, o MotoGP tarixində ən çox yarış qazananlar siyahısında yalnız 89 qələbəli Valentino Rossidən geri qalır.
Ancaq bu gün Markes ailəsi üçün həm sevincli, həm də məyusedici keçib. Aleks Markes yarış zamanı Pedro Akosta ilə təmas yaşayaraq yıxılıb və yerə yüksək sürətlə çırpıldığı üçün sol əli zədələnib. Aparılan təhlillərdən sonra məlum olub ki, Aleksin sümüyündə qırıq var və o, 90 faiz ehtimalla Madriddə əməliyyat olunacaq.
Assendəki 26 dövrəlik yarışda əksər sürücülər ön Hard təkərdən istifadə ediblər.
Yamaha-nın 70-ci ildönümü üçün hazırlanmış qırmızı-ağ motosikletlə yarışan Fabio Kuartararo yarışa pouldan başlasa da, pis startla beşinci yerə qədər geriləyib. Birinci döngənin çıxışında Morbidelli səhvinə görə Franko qısa müddətlik də olsa, dördüncü yerə yüksəlib.
Yarışın əvvəlində Banyaya birinci yerdə idi. Mark Markes qardaşı Aleks Markesi keçərək, ikinci yerə yüksəlib. Aleks daha sonra Bezzeki və Akostanın hücumlarının qarşısını ala bilməyərək, beşinci yerə düşüb.
Lakin qısa müddətdən sonra Aleks rəqibi Pedro Akosta ilə təmas yaşayaraq, yüksək sürətli beşinci döngədə yıxılıb. FİM insidenti araşdırsa da, cəza verilməyib.
Marko Bezzekki isə Banyayanı keçərək, lider Mark Markesin arxasınca düşüb. Lakin Mark yerini çox gözəl formada müdafiə edərək, yarışı qazanıb.
Şərh əlavə et