K.Sayns: Maşın zədələndi

K.Sayns: Maşın zədələndi
  1. 1K. AntonelliMercedes390
  2. 2M. FerstappenRed Bull279
  3. 3C. RassellMercedes262
  4. 4L. HəmiltonFerrari261
  5. 5Ş. LeklerFerrari249
  6. 6L. NorrisMcLaren246
  7. 7O. PiastriMcLaren152
  8. 8İ. HəcərRed Bull122
  9. 9L. LousonRacing Bulls89
  10. 10P. QasliAlpine42
  11. 11A. LindbladRacing Bulls38
  12. 12F. KolapintoAlpine27
  13. 13O. BermanHaas23
  14. 14Q. BortoletoAudi14
  15. 15N. HülkenberqAudi14
  16. 16E. OkonHaas7
  17. 17F. AlonsoAston Martin7
  18. 18K. SaynsWilliams7
  19. 19A. AlbonWilliams5
  20. 20Y. TsunodaRacing Bulls1
  21. 21R. HirakavaHaas1
  22. 22L. StrollAston Martin0
  23. 23V. BottasCadillac0
  24. 24S. PeresCadillac0
  25. 25R. CamaraHaas0
  1. 1Mercedes652
  2. 2Ferrari510
  3. 3Red Bull415
  4. 4McLaren398
  5. 5Racing Bulls114
  6. 6Alpine69
  7. 7Haas31
  8. 8Audi28
  9. 9Williams12
  10. 10Aston Martin7
  11. 11Cadillac0

Williams komandasının sürücüsü Karlos Sayns Avstriya Qran Prisinin sıralanma turunda FW47-də baş verən zədənin onu mübarizədən vaxtından əvvəl uzaqlaşdırdığını təsdiqləyib.

Kokpit.az xatırladır ki, ispaniyalı sürücü bazargünkü yarışa 19-cu yerdən start alacaq.

Sıralama turundan sonra 31 yaşlı sürücü radio vasitəsilə belə bir açıqlama verib: “Maşında zədə var. Bu maşınla yarışmaq mümkün deyil. Əyləcləmə zamanı sağa-sola dartılır, yüksək sürətli döngələrdə asfaltayatma qüvvəsi yoxdur”.

O, boksa qayıtdıqdan sonra mexaniklər maşını yoxlayıblar və alt hissəsində zədə aşkar ediblər.

Karlos Sayns: “Bolidin alt hissəsində zədə olduğunu dedilər. Dəqiq harasında olduğunu bilmirəm, çünki mən trasdan kənara çıxmamışdım. Amma görünür, hansısa detal qopub, çünki maşında ciddi aerodinamik qüvvə itkisi hiss olunurdu. Sıralanma turunun lap əvvəlindən əyləc problemi vardı. Maşın əyləcləmə zamanı kəskin şəkildə bir tərəfə dartırdı. Bu trasda üç əsas əyləcləmə nöqtəsi var və bu cür problemlə orada ciddi çətinlik yaşayırsınız.

Alt hissədəki zədə əvvəlcə çox hiss olunmurdu, amma son dövrələrdə artıq açıq-aşkar hiss olunmağa başladı. Bolidüstü görüntülərdə də bu aydın görünür.

Üçüncü sərbəst yürüşdən sonra əyləc sistemini dəyişdirdik – adətən etdiyimiz bir prosedurdur. Yeni hesab etdiyimiz dəsti taxdıq, amma görünür, nəsə qaydasında deyildi. Hər əyləcləmədə maşın sağa-sola dartırdı. Bu məsələni detallı şəkildə araşdırmalıyıq”.

Komanda yoldaşı Aleks Elbonun ikinci sessiyaya keçməsi və həftəsonu ərzində temp baxımından bir-birlərinə yaxın olmaları Sayns üçün əlavə məyusluq yaradıb: “Elbon-un yerinə baxsaq, həftəsonu boyunca tempimiz çox bənzər idi. İkinci sessiyaya keçmək tamamilə mümkün idi. Üçüncü sessiya bir qədər çətin olardı, çünki Soft təkərlərlə işləməkdə daim çətinlik çəkirik. Amma ikinci sessiyaya rahatlıqla keçmək olardı. Hətta ikindi sessiyada ön sıralarda ola bilərdik.

Cümə günündən bəri yarış tempimiz orta qrup səviyyəsindədir. Amma nədənsə Soft təkərlərlə davamlı olaraq çətinlik yaşayırıq”.

Bunları da oxuyun

Şərh əlavə et