Kokpit.az bildirir ki, ispaniyalı sürücü mövsümün ilk yarışı Taylandda qalib gəldikdən sonra bu gün Termas de Rio Hondo trasında keçirilən birinci sərbəst yürüşlərdə də hamını qabaqlayıb. Əfsanəvi sürücü 99 saniyənin altına düşən yeganə pilot olub.
Cümə günü səhər yağış yağdığı üçün tras nəm idi, ancaq sessiya ərzində tras quruyub və sürücülər trasa quru hava təkərləri ilə çıxıblar.
Beləliklı birinci yeri Mark Markes tutub. İkinci yeri Yohan Zarko, üçüncü yeri Aleks Markes, dördüncü yeri isə Franko Morbidello əldə edib. Beşliyi isə Marko Bezzekki bağlayıb. Markesin komanda yoldaşı Françesko Banyaya birinci sərbəst yürüşləri 16-cı yerdə bağlayıb.
Sonuncu Dünya Çempionu Xorxe Martin isə zədə səbəbindən Argentina Qran Prisini buraxmalı olub. Onu Aprilia komandasının test sürücüsü Lorenzo Savadori əvəz edib.
Şərh əlavə et