Kokpit.az bildirir ki, fransız təmsilçisinin sürücü heyəti Yohan Zarko və debütant Sonkiat Çantradan ibarətdir. Sürücülər cümə günü Sepanqda sona çatan qış testlərindən sonra yeni motosikletin təqdimatı üçün Taylandın paytaxtı Banqkoka uçublar.
LCR əvvəlki illərdə olduğu kimi iki motosikletində fərqli rəng çaları seçib. Yohan Zarko əvvəlki illərdəki kimi Castrol-un ağ-yaşıl rəng çaları ilə yarışacaq. Taylandlı sürücü Somkiat Çandra isə İdemitsu-nun dəstəyi ilə ağ-qırmızı rəng çaları ilə yarışacaq.
Castrol 2010-cu illərin ortasından LCR ilə tərəfdaşdır. Britaniyalı neft şirkəti bu il HRC komandasının titul sponsoru olub və bu tərəfdaşlığı daha da böyüdüb.
LCR-in təqdimatı ilə peletondakı bütün komandalar 2025-ci il motosikletini təqdim ediblər.
LCR komandasının performansı Honda-nın yeni motosikleti RC213V-dən asılı olacaq. Fransızlar keçən il baza komandası HRC-ni geridə qoyaraq, 10-cu olmuşdu. Yohan Zarko və Nakaqami isə Xoan Mir və Luka Marinidən çox xal toplamışdılar.
Şərh əlavə et