Kokpit.az bildirir ki, bu italyan sürücünün bumövsümkü dördüncü pouludur. Onun çempioantdakı əsas rəqibi Xorxe Martin isə sıralanma turunda qəza etsə də, yekunda üçüncü ola bilib.
Françesko Banyaya ikinci sessiyada ilk sürətli dövrəsində liderliyi ələ keçirib. Daha sonra isə 1.28.700 zaman nəticəsi ilə zirvədəki yerini daha da yaxşılaşdırıb. Pramac komandasının sürücüsü Xorxe Martoin isə yaxşı dövrə atmağa yaxın olsa da, beşinci döngədə sürüşərək yıxılıb. Buna baxmayaraq ispaniyalı sürücü sıralanma turunda üçüncü ola bilib. Ducati komandasının digər sürücüsü Enea Bastyanini isə yarışa ikinci yerdən başlayacaq.
Xorxe Martin sıralanma turunda qəza edən tək sürücü olmayıb. Mark Markes, Franko Morbidelli, Yokan Zarko da sessiya ərzində çınqıllı zonada yıxılıblar. Qəzalardan sonra çıxan sarı bayraqlara görə sürətli dövrələr yarımçıq qalıb. Bunun hesabına Mark Markes Marko Bezzekkidən sonra beşinci olub.
2021-ci ilin Dünya Çempionu Fabio Kuartararo isə 6-cı yeri tutub və Ducati sürməyən ən sürətli sürücü olub.
Şərh əlavə et